Кыргыз Республикасынын Радио жыштыктар боюнча мамлекеттик комиссиясынын (РЖМК) 06.04.06 -ж. № 41/4 Токтомуна ылайык, Кыргыз Республикасынын бардык аймактарында «Wi-Fi» стандартындагы өткөргүчсүз жетишүү системаларын, сыртта орнотулуучу антенна колдонулбаган, лицензия талап кылынбаган негизде, Бишкек шаары жана анын айланасынан сырткары жерлерде иштетүү үчүн 2404 – 2483.5 МГц жыштык тилкесин бөлүп берүү тууралуу чечим кабыл алынган. Байланыш жаатындагы жөнгө салуучу органдын уруксаты менен «Wi-Fi» стандартындагы өткөргүчсүз жетишүү системаларынын жабдууларын ташып келүүгө чечим кабыл алынган.

Бишкек шаарында жана анын айланасында азыркы учурда 2.4 ГГц диапазонунда лицензиялуу байланыш операторлорунун радиоэлектрондук каражаттары иштетилип жаткандыгына байланыштуу, «Wi-Fi» стандартындагы өткөргүчсүз жетишүү системаларын Байланыш жаатындагы жөнгө салуучу органдын уруксаты менен Бишкек шаарында жана анын айланасында иштетүү үчүн 2404 – 2483.5 МГц жыштык тилкесин бөлүп берүү тууралуу Кыргыз Республикасынын РЖМК чечим кабыл алган. Ошондой эле, КР РЖМК № 41/2.16 06.04.06 –ж. төмөнкүдөй чечимдерди кабыл алган.

- КР Улуттук байланыш агенттиги мындан ары 8.5 ГГц диапазонунан ылдыйырак жыштык ыйгарууларды алыскы аралыктагы магистралдык радиорелелик линияларды иштетүү үчүн гана берсин. - 8.5 ГГц диапазонунан жогорурак жыштык ыйгарууларды жакынкы (30 км. чейин) аралыктагы магистралдык радиорелелик линияларды иштетүү үчүн берсин.