Жыл сайын өткөрүлүүчү бүткүл дүйнөлүк мобилдик конгресс (GSMA Mobile World Congress), же кыскача айтканда GSMA MWC - мобилдик дүйнөдөгү беделдүү иш чара. GSMA 1994-жылдан бери өткөрүлүп келет, 10 жылдан ашуун убакыт бою Канн шаарында өткөрүлүп келген, бирок Каннадагы Фестивалдар өтүүчү имараттын мүмкүнчүлүктөрү чектелүү болгондугуна байланыштуу, бул иш чараны өткөрүү Барселонага көчүрүлгөн. GSMA Mobile World Congress уюштуручусу - бүткүл дүйнөлүк GSM ассоциациясы.

Бул жерге байланыш жаатындагы алдыңкылар - байланыш операторлору, мобилдик каражаттарды өндүрүүчүлөр жана мультисервистик провайдерлер чогулушат. Өткөргүчсүз байланыш рыногунда лидерлик позицияны ээлеген топ-менеджмент компаниялар өткөргөн иш-чаралардын жүрүшүндө жолугушуулар жана семинарлар өткөрүлөт, бул жолугушууларда мобилдик байланыш индустирясындагы актуалдуу темаларды козгогон талкуу жүрүзүлөт, ошондой эле тармактын жана технологиялардын келечектеги өнүгүүсү тууралуу маселелер козголот.

2011-жылы GSMAга 69 өлкөдөн 1400 ашуун компаниялар катышып, дүйнө жүзүнөн көргөзмөгө келген 60000 жакын катышуучу-адистер катталган, булардын ичинен жарымынан көбү жектекчилер.
GSMA Mobile World Congressке 2012-жылы 205 өлкөдөн 67000 киши келген, булардын ичинен 140 өлкөдөн өкмөттүк делегациялар келишкен. Көргөзмөгө 1500 ашуун компаниялар катышып, алардын жарыялаган көргөзмөлөрү такта бетинен 70500 кв. м. аянтты ээлеген.

2013-жылдан тартып Mobile World Congress көргөзмөсү Fira de Barcelona Gran Via аянтында өткөрүлүп, экспозицияларды жарыя кылуу аянты 50% өскөн.
Mobile World Congress 2013 - 2013-жылы 25-28 февралда өтөт.

Ансыз деле дүйнө жүзү боюнча мобилдик жана өткөргүчсүз технологиялар жаатындагы эң ири деп эсептелинген иш чара - GSMA World Congress Каннадан Барселонага көчүрүлгөндөн кийин, жаңы баскычка көтөрүлдү. Мындан ары GSMA жалгыз гана конференция өткөрүү менен чектелбейт, өндүрүүчүлөр жана операторлордун технология, жабдуу жана байланыш кызматтары жаатындагы жаңы эмгектери көргөзмөгө коюлат.

GSMA негизги тематикалык бөлүмдөрү:

мобилдик инновациялар
мобилдик тиркемелерди иштеп чыгуу
ачык мобилдик системалар
мобилдик интернет
мобилдик оюн-зооктор