Экономиканын атаандаштыкка жөндөмдүүлүгү (Global Competitiveness Index 2012-2013) отчетунун маалыматына ылайык, уюлдук байланыш кызматына жазылуу боюнча эл аралык рейтингде дүйнөнүн 114 мамлекеттеринин ичинен биздин өлкө 76-орунду ээледи.
Рейтингдеги алдыңкы орундарды, 100 адамдын ичинен эң көп сандагы жазылуулар катталган өлкөлөр ээледи.

Төмөнкү өлкөлөр  алдыңкы орундардга ээ болушту: Гонг Конг (209,6), Панама (203,9), Сауд Аравиясы (191,2), Монтенегро (185,3), Россия (179,3); Суринам (178,9); Оман (169); Финляндия (166), Кувейт (160,8), Ливия (155,7).

Кыргызстанда уюлдук байланыш кызматына 100 кишиге 104,8 жазылуулар катталган.
Казакстан аталган категория боюнча экинчи орунду ээлеп, жалпы рейтинг боюнча 20-катардан орун алды (142,5).
КМШ мамлекеттеринин арасынан үчүнчү орунду Украина алды, жалпы рейтинг боюнча 43-орунду ээлеген (123).

Рейтингде ошондой эле: Азербайжан — 64 орун (108,7), Молдова — 77 орун (104,8), Армения — 80 орун (103,6), Тажикстан — 96 орундарды (90,6) ээлешти.

Тизмедеги 114 өлкөнүн ичинен эң акыркы катардагы өлкөлөр Чыгыш Африкадагы: Малави — 142 орун (25,1), Эфиопия — 143 орун (16,7) жана Бурунди — 144 орундагы (14,5) мамлекеттер болду.
2011-2012-жылдардагы отчетто, Кыргызстан мурда ээлеген 81-орундан беш орунга алдыга жылгандыгы айтылат, мурда 100 кишиге 91,9 уюлдук байланыш кызматына жазылуулар катталгандыгы көрсөтүлгөн.
Дүйнөлүк лидерлик позицияны ошол эле мамлекеттер элеген, андагы бир гана айырмачылык мурдагы алдыңкы ондук тайпага Вьетнам кирген болсо, 2012-2013-жылдын отчетунда анын ордун, мурда бул тизмеге кирбеген Ливия ээлеген.

КМШ мамлекеттеринин арасынан алдыңкы катарда дагы деле Россия турат, ал тизмеде 7-орунда (166,3) турат жана Армения — 33 орун (125), Казакстан — 38 орун (123,3), Азербайжан — 75 орун (99), Молдова — 89 орун (88,6), Тажикстан — 91 орунду (86,4) ээлешкен.
Тизменин аягында Африка континентиндеги: Бурунди, Малави, Эфиопия мамлекеттери орун алышкан.

КРӨ МБА пресс-кызматы