Google компаниясы январдын аягында жана февралдын башында эки иш чара өткөрөт, бул иш чараларда башка өндүрүшчүлөр Glass көз айнек формасындагы компьютерлер менен таанышып чыгышат жана ал үчүн программалык камсыздоо түзүүнүн үстүндө иштей башташат.

Google биринчи жолу Glass түзүлүшүн 2012-жылдын апрель айында көрсөтүүгө алып чыккан, ал эми өткөн жылдын июнь айынан баштап ПК иштеп чыгуучулардан алгачкы версиясына заказдар түшө баштаган. Алдын ала заказ берген иштеп чыгуучулар Glass компьютерлерин жеке колдонууга азырынча ала элек, бирок 2013-жылдын алгачкы айларынан тартып ишке берилеип калат деген бомолдоолор бар.

Эки күндүк иш чара 28 жана 29 январда Сан-Францискодо, андан кийин 1 жана 2 февралда — Нью-Йоркто өтөт. Орнотмонун өзү менен жана тиркемелерди түзүү үчүн Mirror API программалык интерфейси менен таанышып чыккандан кийин, катышуучулар сынактык иштеп чыгууга киришет, буга Google инженерлери көмөк көрсөтүшөт. Иш чаранын аягында катышуучулар өздөрүнүн иштеп чыккандарын кесиптештерине көрсөтүп жарыя кыла алышат.

Glass алып жүрүүчү компьютердин өзгөчөлүгү, графикалык маалыматты колдонуучунун көзүнө жакын жайгашкан дисплейге чыгарып берет. Бул орнотмонун аткарган функцияларынын акыркы чеги азырынча белгилене элек, деп билдирген IEEE Spectrum басылмасына Glass долбоорунун жетекчиси Бабак Парвиз (Babak Parviz) 2012-жылдын декабрь айында.

Мисалга айтсак, булорнотмонун азыр белгилүү болгон функциялары фото- жана видеого тартуу. "Биз, дүйнөнү сиздин көз караш менен көрүп,ошол көз карашты башкалар менен бөлүшүүгө мүмкүн болгон, каражатты ойлоп табууга аракет кылганбыз", — деп билдирет Парвиз.

Источник: iks-media